Мобилната апликација „m.Uslugi“ забележа над 22.000 симнувања во првите 24 часа од нејзиното пуштање, информираше министерот за дигитална трансформација, Стефан Андоновски.
Според неговите објави, корисниците веќе упатиле стотици коментари, како и десетици забелешки за нејзино подобрување, прашања и одговори.
Андоновски упати благодарност до граѓаните за поддршката, нагласувајќи дека апликацијата е потполно бесплатна и не бара финансиски средства од државниот буџет.
„m.Uslugi e бесплатна, државата не ја чини ни 1 денар. Наскоро интеграција на фотографија за употреба каде што е потребно, нови услуги, прифаќање во институции, компании..“, истакна Андоновски.