Албанската полиција излезе со остра реакција по повод последните случувања и протести во земјата, нагласувајќи дека за време на демонстрациите се евидентирани континуирани акти на насилство директно насочени кон полициските службеници и државните институции.
Од МВР на Албанија апелираа до граѓаните и учесниците во протестите строго да се оградат од маскираните и насилни поединци кои вршат напади, уништуваат јавна и приватна сопственост и го нарушуваат јавниот ред и мир. Надлежните служби порачаа дека секој акт на насилство и секој напад врз полицајци и институции ќе биде строго санкциониран во согласност со важечките законски прописи.