Заинтересираните граѓани кои спаѓаат во ризичните групи од денеска може да се пријавуваат за бесплатна вакцинација против сезонски грип преку веб-страницата vakcinacija.mk, соопштија од Министерството за здравство.
Со пополнување на електронската форма, граѓаните се регистрираат директно во системот „Мој Термин“. Согласно распоредот предвиден во планот за вакцинација, тие ќе добијат СМС-порака со информација за точниот датум, час и пункт кој го избрале при регистрацијата.
Бесплатната вакцинација против сезонски грип ги опфаќа следните ризични категории:
- Лица постари од 65 години
- Лица со хронични заболувања
- Здравствени работници
- Бремени жени
- Деца на возраст од 6 месеци до 5 години
Од Министерството за здравство потенцираат дека вакцинацијата претставува најефикасна мерка за превенција од грип, со која се спречува појава на потешки форми на болеста, компликации и смртен исход, особено кај ранливите категории граѓани.