50-годишен струмичанец е приведен поради агресивно однесување кон своите дома, соопшти МВР.
-Ноќеска во 01:00 часот во струмичко село, полициски службеници од СВР Струмица лишија од слобода 50-годишен жител на тоа село, кој според пријавеното агресивно се однесувал кон неговата снаа, сопруга на неговиот син, велат од МВР.
Запознаен е јавен обвинител, а по документирање на случајот ќе биде поднесен соодветен поднесок.
Во друг случај, приведен е 38-годишник поради агресивно однесување кон својата 10 години помлада сопруга.
-Ноќеска во 01:10 часот во струмичко село, полициски службеници од СВР Струмица лишија од слобода 38-годишен жител на тоа село, постапувајќи по претходна пријава дека агресивно се однесувал кон неговата 28-годишна сопруга. Лицето било задржано во Полициската станица Струмица, а за настанот бил известен јавен обвинител, се вели во полицискиот билтен.
По документирање на случајот ќе биде поднесена соодветна пријава.