Малолетен пешак е тешко повреден во сообраќајна несреќа што викендов се случила на улицата „Славеј Планина“ во Чаир.
Според МВР, во малолетникот удрило „ауди“ со скопски регистарски ознаки, управувано од 25-годишен возач. Повредениот со возило на Итната медицинска помош бил пренесен во Ургентниот центар „Мајка Тереза“, каде му биле констатирани тешки телесни повреди.
За случајот бил известен јавен обвинител, а по негова насока полицијата го одзела возилото. Од МВР информираат дека по целосно документирање на случајот ќе биде поднесена соодветна пријава.