Специјализираното обвинителство во Хаг побара поранешниот лидер на таканаречената ОВК, Хашим Тачи, да биде осуден на шест години затвор за попречување на правдата и тоа да не се смета во времето што веќе го поминал во притвор.
Во своето барање, обвинителството наведува дека периодот поминат во притвор на Тачи треба да се смета само во главниот случај за воени злосторства во кој неодамна беше осуден на 25 години затвор, објавија приштинските медиуми. Доколку судот го прифати барањето, вкупната затворска казна за Тачи пред Специјализираните совети би изнесувала 31 година.
Тачи е во притвор од ноември 2020 година, додека налогот за апсење за попречување на правдата стапи на сила во ноември 2024 година. Според обвинението, тој преку непривилегирани посети во притворскиот центар им давал доверливи информации и упатства на соосомничените за влијание врз сведоци.