Израелскиот премиер Бенјамин Нетанјаху се соочи со бојкоти за време на своето обраќање на Генералното собрание на Обединетите нации во Њујорк, откако десетици дипломати и делегати демонстративно ја напуштија салата уште при неговото појавување на говорницата.
Реакцијата на дипломатите предизвика остра реакција од израелскиот премиер, кој веднаш возврати со тешки квалификации.
„Морални кукавици“, ги нарече Нетанјаху дипломатите кои излегоа од салата, истакнувајќи дека Израел всушност штити многу од земјите чии делегати одбиле да го слушаат неговото обраќање.