Времето утре променливо облачно со сончеви преиоди, свежо и ветровито. Во западните планинските региони ќе има услови за појава на слаб локален дожд. Ќе дува умерен до засилен, а наместа долж Повардарието повремено силен северен ветер со брзина од 60 km/h, соопшти УХМР.
Во Скопје, променливо облачно со сончеви периоди, свежо и ветровито. Ќе дува умерен до засилен ветер од северен правец.
До крајот на седмицата ќе преовладува променливо облачно и свежо време со ниски утрински температури.
Во петок попладне, во текот на ноќта и во сабота претпладне се очекуваат врнежи од дожд, локално пообилни.
Минималните температури ќе паднат до 2 степени додека максималните ќе се искачат до 27 степени