Пратеникот на ВМРО-ДПМНЕ, Бране Петрушевски, на денешната прес-конференција одржана на 21 септември 2026 година, упати остри критики кон лидерот на СДСМ, Венко Филипче, обвинувајќи го за противење на клучни инвестиции и економски развој.
Според Петрушевски, актуелните политички изјави за покачување на платите се во спротивност со реалните позиции на опозицијата кога станува збор за капитални проекти.
Фетушевски истакна: „Филипче сакал плати од 600 евра, ама е против дата центри, рудници и отворање на нови работни места. Му пречат дата центри, му пречат рудници, му пречат нови инвестиции и проекти.“
Во своето обраќање, пратеникот нагласи дека приоритетите на опозицискиот лидер се насочени погрешно, додека се занемаруваат националните интереси и економскиот напредок.
„На Филипче не му пречат единствено бизнисите со марихуана на Заев и не му пречат бизнисите со кои се добива нов автомобил или пак провизија при тендер од 20%. На Филипче денес му пречат инвестиции и нови работни места, но не му пречеа лагите на неговиот ментор за Гугл, Фејсбук и патека за Формула 1“, порача Петрушевски.
На крајот од прес-конференцијата, од владејачката партија порачаа дека со вакви политичари државата не може да напредува, поради што ВМРО-ДПМНЕ продолжува да работи за подобра иднина за граѓаните.
„Со политичари како Филипче, луѓе кои лажат и манипулираат за се, Македонија нема да оди напред. Затоа ВМРО-ДПМНЕ работи за подобра иднина за граѓаните“, заклучи Петрушевски.