Министерот за одбрана Владо Мисајловски од денес е во посета на Словенија, каде што ќе учествува на состаноците на министрите за одбрана во форматите CEDC и KREMS.
-Секоја посета има посебна вредност кога ќе се сретнете со Македонците во дијаспората, кои и далеку од Македонија со љубов ги чуваат нашиот јазик, вера, традиција и нераскинливата врска со татковината. Токму затоа ми беше особена чест утрово, на покана на Македонската православна црковна општина „Света Троица“ од Крањ и Македонското културно друштво „Св. Кирил и Методиј“ – Крањ, да присуствувам на Светата литургија и осветувањето на новата црковна канцеларија при Македонската православна црква „Света Троица“ во Крањ, објави Мисајловски.
Според него, овој свечен настан е уште еден силен доказ за нераскинливата врска со македонските корени што Македонците со гордост ги чуваат и негуваат, каде и да се наоѓаат во светот.