Дваесетпетгодишен државјанин на Србија е испратен во притвор во Хрватска откако бил уапсен на подрачјето на Загорје, објави Index.hr.
Станува збор за С.К., кој привремено престојува и работи како возач во земјата. Според полициските информации, тој на социјалните мрежи објавувал видеа со фалење на Ратко Младиќ како „херој генерал“ и означувал допаѓања на слични содржини.
На распитот осомничениот тврдел дека содржините ги објавил и лајкнал случајно, но истражните органи ја отфрлиле таа одбрана и му определиле притвор.
Случајот е дел од поширок бран активности на хрватската полиција, која во краток период процесуирала најмалку 10 лица поради слични дела:
- Дубровничката полиција постапувала против 7 лица за споделување фотографии, симболи, песни и пораки со почит кон Младиќ.
- Во Книн 56-годишник е приведен и казнет со 1.000 евра.
- Загрепската полиција поднесе кривична пријава против 60-годишна жена за величење на Младиќ и поттикнување насилство и омраза.
- На подрачјето на Кореница постапка е спроведена против 43-годишен државјанин на Босна и Херцеговина.