Петдесетгодишен мотоциклист од Неготино го загуби животот во тешка сообраќајна несреќа што вчера попладне се случила на магистралниот пат Крива Паланка – Куманово.
Несреќата се случила во атарот на селото Градец, кога мотоциклот со неготински регистарски ознаки, управуван од М.Н. (50), излетал од патот и удрил во заштитната банкина.
Од здобиените тешки повреди, мотоциклистот починал на самото место на настанот.
Случајот бил пријавен во ОВР Крива Паланка, по што полициска екипа извршила увид на местото на несреќата. Надлежните органи работат на утврдување на сите околности и причини кои довеле до трагичниот инцидент.