Министерството за образование и наука не доделило стипендија на синот на пратеникот Антонио Милошоски, изјави министерката за образование Весна Јаневска, отфрлајќи ги како лажни информациите што се шират на социјалните мрежи.
Јаневска рече дека лично ги потпишува стипендиите за студирање на најдобрите универзитети од Шангајската листа и дека меѓу потпишаните нема лице со презиме Милошоски.
„Сметам дека ова е апсолутно лажна вест и злоупотреба на името на пратеникот, но уште повеќе на детето“, рече Јаневска.
Таа додаде дека не знае дали и каде во странство се наоѓа синот на Милошоски, но категорично повтори дека Министерството за образование и наука не му доделило стипендија.