Управата за хидрометеоролошки работи (УХМР) информира дека според најновите метеоролошки радари, регистриран е развој на нестабилна конвективна облачност во североисточните делови од државата.
Најизразени атмосферски промени во моментов се бележат во регионите околу Крива Паланка и Македонска Каменица.
Североисточно од Крива Паланка има појава на интензивен пороен дожд, електрични празнења и можна појава на суградица.
Слична метеоролошка состојба е регистрирана и северозападно од Македонска Каменица, каде што исто така има пороен дожд, грмежи и локална појава на суградица.