Во 3 часот наутро заврши третото вонредно прскање против комарци на територија на Гази Баба.
-Утрово во 03:00 часот завршија теренските активности за вонредно прскање против комарци на територијата на општина Гази Баба.
Во текот на ноќта екипите поминаа низ Керамидница, Смилковци, Црешево, Стајковци, Сингелиќ, Ченто, Инџиково, Маџари, Триангла, Хиподром, Ергеле, Трубарево, Раштак, Булачани, Виниче, Брњарци, Гоце Делчев, Јурумлери, Идризово, Дрма, Колонија, Кирил Петрушевски, Автокоманда и Железара.
Акцијата беше реализирана во координација помеѓу Центарот за јавно здравје, Град Скопје и Општина Гази Баба, со една заедничка цел – навремено и ефикасно превентивно делување за заштита на здравјето на граѓаните.
Голема благодарност до сите екипи кои и оваа ноќ беа на терен и посветено работеа до раните утрински часови.
Институциите функционираат, институциите се координирани и институциите постапуваат! Продолжуваме со постојана комуникација, следење на состојбата и преземање на сите потребни активности.
Ова не е еднократна акција. Со засилените превентивни активности продолжуваме и во следните денови, согласно состојбата на терен и препораките на надлежните институции.
Заштитата на животот и здравјето на граѓаните останува наш највисок приоритет!
Теренските активности за вечерва се завршени.
Опфатени се населените места низ Гази Баба.
Координацијата меѓу институциите продолжува.
Превентивните активности продолжуваат и следните денови.
Работиме континуирано и одговорно – за здравјето и безбедноста на граѓаните на Гази Баба!, напиша градоначалникот Стефковски.