Поради високите температури, денеска е воведено ограничување на брзината во железничкиот сообраќај, информираат од Регионалниот центар за управување со кризи – Град Скопје.
Железничкиот сообраќај низ државата се одвива редовно, но во периодот од 11:00 до 17:00 часот брзината на движење на возовите е ограничена на максимум 50 километри на час.
Главната причина за намалувањето на брзината за време на големи жештини е безбедносниот ризик од ширење на шините под влијание на високите температури.