Во изминатото деноноќие, до 7:30 часот, во земјава се регистрирани вкупно 35 пожари на отворен простор. Од нив, пет се активни, два се ставени под контрола, а 28 се целосно изгаснати.
Активни пожари има во пет општини:
Општина Прилеп: кај селото Чаниште, со краци кон Крушевица, Лопатица, Дуње и кон Црна Река. Гори ниска вегетација.
Општина Студеничани: на потегот Моране–Вртекица–Рамни Габер, каде гори мешана шума.
Општина Македонски Брод: во месноста Видуш, кај селата Драгов Дол и Локвица, каде гори ниска вегетација, нискостеблеста шума и грмушки.
Општина Кичево: кај селото Тајмиште, во месноста Дарда, каде е зафатена високостеблеста букова шума.
Општина Липково: кај селото Никуштак, каде гори ниска вегетација и шума.
Под контрола се два пожара:
Општина Могила: кај селото Мојно, со зафатена ниска вегетација.
Општина Крушево: на потегот Белушино–Јакреново, каде гори ниска вегетација и деградирана дабова шума.
Во изминатото деноноќие изгаснати се 28 пожари на територијата на повеќе општини, меѓу кои Студеничани, Бутел, Гази Баба, Новаци, Струмица, Радовиш, Струга, Кичево, Велес, Кавадарци, Неготино, Лозово, Кочани, Куманово, Старо Нагоричане, Крива Паланка, Тетово, Брвеница, Желино и Гостивар.
Пожарите биле регистрирани на различни локации, а најчесто била зафатена ниска вегетација, стрништа, шума, грмушки и отпад.