Во ДУИ веќе не се знае кој ја води партијата. Али Ахмети пушта пробни балони за повлекување, Бујар Османи се загрева за лидерската фотелја, а луѓето на Артан Груби испраќаат пораки и ги потсетуваат сите кој до вчера бил главен во партијата. Три приказни и една голема паника – наведува Вреди во денешното соопштение за медиуми.
-Ахмети глуми дека ја држи ситуацијата под контрола, но есапот никако не му излегува. Ако го брани Артан, го зема на свој грб целиот негов политички багаж. Ако го пушти низ вода, ризикува „црната кутија“ да се отвори и да каже кој што нарачувал, кој што потпишувал и кој на крајот го собирал кајмакот. А Бујар? Тој зборува за се и сешто, но за Артан нема ниту збор. Па добро, кој му го врзал јазикот на Бујар? Довчера заедно седеа на врвот на ДУИ и пред јавноста глумеа единство, а денес Бујар се прави дека Артан не постои., велат тие.
ВРЕДИ прашуваат што знае Бујар за Артан, а не сака јавно да го каже? Чека погоден момент да проговори или молчи за да не биде и самиот вовлечен во приказната?
-Во ДУИ денес има муабет за се, а одговор за ништо. Од што повеќе се плаши Бујар, Артан да пропее или Али да не се повлече?, велат ВРЕДИ.