Познатата хрватска писателка Ведрана Рудан почина на 77-годишна возраст по долгогодишна борба со ракот.
Зад себе ги остави синот Славен и ќерката Асја, кои во последните месеци од животот често ги споменуваше во своите блогови. Во една од своите колумни, пак, порача дека не сака нејзиниот син, со кого била во конфликт, да присуствува на нејзиниот погреб.
Во еден од своите текстови таа го објаснила и својот став кон мајчинството и децата. Истакнала дека во текот на животот направила многу за синот Славен и ќерката Асја, но во еден момент одлучила да престане финансиски да ги помага на начин што би можел да го загрози нејзиниот сопствен живот.
-„Што сум му дала на детето, а не морав? Нема да набројувам, сите го правиме истото“, истакнала таа, додавајќи дека понекогаш границата е неопходна.
-„Ако по средно училиште ја шутнев својата беба, ќе ѝ помогнев, а себе ќе се уништев. Љубовта кон бебето убива на рати“, порача Рудан.
Хрватската писателка имала два брака, а двете деца и се од првиот брак.
Синот на Ведрана Рудан, Славен Хрватин, е познат хрватски психолог и автор на книгата со колумни „Злихологија“.
Како и неговата мајка, Славен јавно зборува за општествени теми и се залага за човековите права, а ја поддржува и легализацијата на канабисот.
Покрај психологијата и пишувањето, Славен со години бил вклучен и во професионалниот дел од кариерата на неговата мајка. Ѝ помагал во организацијата на работата, практично преземајќи ја улогата на нејзин менаџер, а ја водел и администрацијата на нејзината многу посетувана веб-страница.
Нејзината ќерка живее далеку од очите на јавноста.