Интензивно се интервенира за гасење на шумскиот пожар што изби во близина на селото Моране, во општина Студеничани, соопшти Центарот за управување со кризи (ЦУК).
Поради тешко пристапниот и ризичен терен, во операцијата се вклучени и воздухопловни сили.
Во гасењето се ангажирани три авиони на Дирекцијата за заштита и спасување, кои дејствуваат од воздух во зоните каде што интервенцијата од копно е невозможна или премногу ризична поради тешко пристапниот терен, наведува ЦУК во соопштение.
Екипите на терен дејствуваат во постојана координација со сите вклучени структури, со цел, додава ЦУК, пожарот да се локализира и изгасне и да се заштитат жителите и нивниот имот.