По тридневна потрага, пронајдена е Андреа Елена Некучија (11), девојка од општина Парава во Романија, која била пријавена за исчезната откако излегла од дома и и кажала на мајка си дека ќе игра!
Таа била пронајдена во плакар во напуштена куќа, а полицијата утврдила дека девојката не е жртва на кривично дело и дека нејзиниот живот е надвор од животна опасност, пишува порталот Observatornews.ro.
Претставниците на полицијата им се заблагодарија на сите сили вклучени во акцијата за пребарување и им препорачаа на родителите внимателно да ги следат своите деца и да знаат каде го поминуваат своето време.
Исто така, на возрасните им се советува да одржуваат постојана и отворена комуникација со најмалите, да ги научат да кажат каде одат и да го почитуваат договореното време за враќање.
Детето излегло од дома велејќи дека ќе игра
На 5 август полицијата била известена за исчезнување на единаесетгодишно девојче. Андреа Елена Некучија (11) излегла од дома откако и кажала на мајка си дека ќе игра.
По неколку часа, бидејќи ќерката не се вратила, мајката почнала да ја бара меѓу роднините, соседите и низ соседството. Кога не успеала да ја пронајде, ги известила властите, кои започнале акција за пребарување.