Италијанските спасувачки служби го пронајдоа телото на 84-годишниот Луиџи Кавалари, сопруг на италијанската министерка за семејство Еуџенија Рочела.
Тој исчезна на 27 јуни додека се капел во езерото Вико во покраината Витербо.
Телото било откриено од полициски нуркачи по долготрајна и сложена потрага, во која учествувале специјализирани тимови од повеќе региони во Италија.
Спасувачките екипи користеле сонари и подводни роботи за пребарување на езерото поради слабата видливост, калливото дно и густите алги.
По извлекувањето на телото, обвинителството во Витербо наредило обдукција за да се утврдат точните причини за смртта.
Италијанските медиуми пренесуваат дека трагедијата се случила додека брачниот пар престојувал во нивната куќа покрај езерото.
Откако влегол во водата, Кавалари накратко се појавил на површината, се пожалил дека не се чувствува добро и исчезнал под водата.
Министерката Рочела веднаш ги повикала службите за итна помош, по што започнала повеќемесечната потрага.
Луиџи Кавалари бил инженер, универзитетски професор и академик. Тој и министерката Рочела оваа година одбележале 50 години брак и имаат две деца.