Пожарите кои вчера избувнаа во атарот на селото Раец предизвикале оштетувања на дел од електропреносната мрежа, што довело до прекин во нормалното снабдување со вода за жителите на селото Дреново, информираат од ЈП „Комуналец“ – Кавадарци.
Од претпријатието објаснуваат дека поради прекинот на електричната енергија, бунарите од кои се обезбедува вода за селото не можат да работат со полн капацитет.
Од „Комуналец“ велат дека веднаш презеле мерки и обезбедиле цистерна со вода за технички потреби на жителите на Дреново.