Ноќеска во 02:30 часот на автопатот Гостивар–Тетово, кај клучката „Тучевиште“, полициски службеници од Полициско одделение за безбедност на патниот сообраќај Гостивар забележале пешак кој се движел по коловозот.
Приведено е лицето О.А.(50) од село Неготино, кај кого е извршено алкотестирање и е утврдено присуство на 1,65 промили алкохол во крвта и при преземање на службени дејствија истиот ги омаловажувал полициски службеник, соопштија од тетовската полиција.
Тој е задржан во полициска станица и по документирање на случајот против него ќе следуваат соодветни поднесоци.