По повод годишнината од катастрофалниот земјотрес што го погоди Скопје во 1963 година, Град Скопје утре организира бесплатен панорамски разглед на градот.
Како што информираат од градските власти, разгледот ќе се реализира со панорамски автобус и професионален туристички водич од Македонската асоцијација на туристички водичи и придружници.
Граѓаните ќе имаат можност да го запознаат Скопје какво што било пред земјотресот, како и да ги откријат приказните за разрушените објекти кои го обликувале тогашниот дух на градот.
„Поаѓањето е од Порта „Македонија“, во 10:00 часот. Заинтересираните граѓани за бесплатниот панорамски разглед ќе можат да се пријавуваат на телефонскиот број: +389 71 250 419. Да се потсетиме на минатото, да ја чуваме меморијата на Скопје и да ја пренесуваме неговата приказна на идните генерации – посочуваат од Град Скопје.“
Организаторите ги повикуваат сите заинтересирани навремено да го резервираат своето место за утрешната тура.