Скопскиот градоначалник Орце Ѓорѓиев на Фејсбук објави дека се работи на санација на штетите во Градскиот Парк, каде ќе бидат засадени нови, здрави садници, со што паркот ќе стане уште позелен и побезбеден.
-Ден по страшното невреме, проследено со силен и разорен ветер, Градскиот парк се соочи со тешки последици.
Екипите се на терен и интензивно го расчистуваат просторот и подготвуваат за ново озеленување и засадување уште повеќе дрвја, а паралелно се спроведува и акција за стручна проценка и маркирање на старите, заболени и небезбедни дрвја.
На нивно место ќе бидат засадени нови, здрави садници, со што паркот ќе стане уште позелен и побезбеден.
Градот убав пак ќе никне, напиша скопскиот градоначалник.