Меѓународниот аеродром и пристаништето во јужниот јордански град Акаба се итно евакуирани поради проценка за сериозна опасност.
Како причина за оваа вонредна мерка се наведува „конкретна и веродостојна закана“, за која официјално соопшти Американската амбасада во Аман.
Дипломатското претставништво веднаш упати итно предупредување до своите државјани кои се наоѓаат во овој регион.
„Им советуваме на сите Американци да се воздржат од патување до аеродромот или пристаништето. Продолжете да ги следите сите безбедносни директиви од јорданските власти“, соопшти Амбасадата, без да даде дополнителни детали.
Од амбасадата во овој момент одбиваат да соопштат повеќе поединости за каква точно закана станува збор.
Јорданските власти и безбедносните служби сè уште немаат издадено официјално соопштение во врска со ова прашање.
Локалните медиуми јавуваат дека на терен се подигнати мерките за сигурност околу двата клучни транспортни објекти.