На 06.07.2026 во 17:50 часот во СВР Скопје било пријавено дека на улицата „Лазар Личеновски“ во Скопје се случила сообраќајна несреќа помеѓу две патнички возила.
Во несреќата учествувале возило „БМВ“ со скопски регистарски ознаки, управувано од Е.К.(25) од село Визбегово, скопско, и возило „Сеат Леон“ со скопски регистарски ознаки, управувано од С.П.(48) од село Бразда, скопско.
Со тешки телесни повреди се здобил сопатникот во возилото „БМВ“, Д.С.(25) од село Сингелиќ, скопско. Со телесни повреди се здобиле двајцата возачи, како и сопатничката во „Сеат Леон“, И.П.(24) од село Бразда.
Повредите биле констатирани во Комплексот клиники „Мајка Тереза“ и ЈЗУ „Св. Наум Охридски“ во Скопје.
Увид на местото на несреќата извршила увидна екипа од СВР Скопје.