Управата за хидрометеоролошки работи (УХМР) ги објави најновите мерења на температурите во 14:00 часот (12:00 UTC) на територијата на целата држава, кои покажуваат значителен пораст на вредностите во сите градови.
Според официјалните податоци, највисока температура денеска е измерена во Велес, каде живата во термометарот достигна до 35.7 степени.
Веднаш зад него е Демир Капија со измерени 35.2 степени, додека во Штип, Гевгелија и Кавадарци се регистрирани идентични 34.8 степени.
Во Скопје исто така се бележат високи температури, па така на мерната станица Зајчев Рид се измерени 34.4 степени, а во Петровец 34.3 степени.
Потоплиот бран не го одмина ниту Куманово со 33.6, Струмица со 33.5, Виница со 32.7, како и Тетово каде се измерени 32.4 степени.
Во градовите од пелагонискиот и западниот регион, температурите се движат околу триесеттиот поделок, па во Битола се измерени 30.6, во Прилеп 30.2, а во Крива Паланка 30.8 степени.
Освежување граѓаните можат да најдат во Охрид каде се измерени 28.2 степени, во Берово со 28.4, како и во Крушево каде температурата изнесува 25.6 степени.
Најниска температура во 14 часот е регистрирана на Попова Шапка, каде се измерени пријатни 18.5 степени.