Шеесет и шестгодишна адвокатка од Куманово вчера попладне била пронајдена без знаци на живот во просториите на нејзината адвокатска канцеларија.
Од Секторот за внатрешни работи Куманово информираат дека случајот во полициската станица бил пријавен на 23 јуни 2026 година во 12:23 часот.
„Во СВР Куманово било пријавено дека во сопствената адвокатска канцеларија во Куманово е пронајдена почината С.З.П.(66) од Куманово“, соопштија од полицијата.
Веднаш по добивањето на пријавата, на местото на настанот излегла екипа на Итната медицинска помош, при што дежурниот лекар можел само да констатира смрт кај жената.
За случајот бил известен и дежурен јавен обвинител, по чија наредба телото на починатата адвокатка е предадено во Институтот за судска медицина на обдукција.
Обдукцискиот наод треба да ги утврди точните причини кои довеле до смртта, како и околностите под кои настапила таа.
Надлежните институции во координација со обвинителството веќе преземаат соодветни мерки за целосно расчистување на случајот.