Од ЈП „Водовод и канализација“ – Скопје апелираа до граѓаните да се однесуваат одговорно и совесно при користењето на канализациониот систем, нагласувајќи дека тој не е наменет за одлагање на каков било отпад.
Од претпријатието информираа дека нивните екипи континуирано работат на одржување на водоводната и канализационата мрежа со цел да се обезбеди поквалитетна услуга за корисниците.
Во текот на денот, екипите од секторот „канализација“ реализирале повеќе теренски активности, меѓу кои расчистување на шахти, отпушување на атмосферски канализации, како и чистење на сливници и фекални шахти.
Од ЈП „Водовод и канализација“ – Скопје уште еднаш апелираат до граѓаните да не фрлаат отпад во канализациониот систем, бидејќи со тоа се предизвикуваат затнувања и дефекти кои негативно влијаат врз неговото нормално функционирање.