Петгодишно момче кое се удави на плажа во градот Јаши, Романија, почина во болница по речиси четири дена поминати во агонија.
Малиот пациент по инцидентот беше примен во болница во кома од четврти степен, а лекарите уште на самиот почеток даваа минимални шанси за негово преживување.
Според првичните информации, момчето било на базенот во друштво на други постари деца, но во моментот на несреќата не било придружувано од неговите родители.
Извори од истрагата брифираат дека детето ја напуштило семејната куќа без знаење на неговата мајка, по што отишло до базенот и скокнало преку заштитната ограда за да влезе внатре.
По паѓањето во водата, вработен во базенот брзо забележал што се случува, по што го извлекол момчето од водата и веднаш започнал да му укажува прва помош до пристигнувањето на медицинските екипи.
Семејството на починатото дете веќе излезе со обвинувања во јавноста, тврдејќи дека во објектот немало спасител, ниту пак чувари кои би имале обврска да следат кој сè влегува во кругот на базенот.
Надлежните романски институции веќе водат истрага со цел да се расчистат сите околности и да се утврди евентуалната одговорност за оваа тешка трагедија.