Турската актерка Еџе Иртем, која на македонската публика ѝ е најдобро позната по улогата на Ишил во мегапопуларната серија „Шербет од брусница“, ненадејно почина на 35-годишна возраст, јавија турските медиуми. Според првичните информации, на младата актерка ѝ се слошило наутро во нејзиниот дом додека била со нејзината мајка, а медицинските екипи не успеале да ја спасат по претрпениот силен срцев удар.
Смртта на Иртем предизвика голем шок во јавноста, особено поради фактот што трагедијата се случила непосредно по нејзиниот 35-ти роденден. Актерката, родена на 14 јуни 1991 година, само неколку часа пред смртта на социјалните мрежи им се заблагодарувала на пријателите за честитките, кои сè уште стојат на нејзиниот профил.
Инаку Еџе беше мошне активна на социјалните мрежи, а нејзината последна објава е од пред само неколку дена.
На фотографиите се гледа како таа посетува еден познат будистички храм кој се наоѓа во Бангкок, Тајланд.