Според информациите од Министерството за внатрешни работи, несреќата била пријавена на 13 јуни во 11:10 часот во СВР Скопје.
„На крстосницата од улиците „Васко Карангелски“ и „Матеја Матевски“ се случила сообраќајна несреќа помеѓу патничко возило „Опел Мерива“ со скопски регистарски ознаки, управувано од Б.М. (33) од Скопје и мотоцикл со скопски регистарски ознаки, управуван од Г.С. (57) од Скопје“, информира МВР.
Во несреќата со тешки телесни повреди се здобил мотоциклистот, кои биле констатирани во ЈЗУ „Св. Наум Охридски“ во Скопје.
На местото на настанот увид извршила увидна екипа од СВР Скопје, а причините за несреќата се утврдуваат.