Во битолската населба „Кланица“ вчера било пронајдено безживотно тело во водите на реката Драгор, соопштуваат од Секторот за внатрешни работи Битола.
Полициски екипи веднаш излегле на терен по пријавата од страна на граѓани кои го забележале телото во близина на познат локален мост.
„СВР Битола информира дека во битолската полиција било пријавено дека во населба „Кланица“ во Битола, кај место викано „Дрвено мовче“ во реката Драгор, било пронајдено безживотно тело.“
Полициските служби веднаш покренаа постапка за идентификација на починатото лице, при што беше утврдено дека се работи за претходно пријавено исчезнато лице.
„Од Секторот за односи со јавност посочија дека по извршено препознавање констатирано е дека се работи за 66 годишник од Битола, за кој на 2 јуни во СВР Битола негов роднина пријавил дека се оддалечил од домот.“
На местото на настанот увид извршија медицински и криминалистички екипи со цел да се утврдат причините за смртта.
„Лекар од Итната медицинска помош Битола констатирал смрт без траги на насилство, а по насоки на јавен обвинител телото на починатиот е предадено на обдукција. Извршен е увид од увидна екипа од СВР Битола, потврдија од битолската полиција.“