Марко Маринковиќ-Слаткар, познат под сценското име Слаткаристика, се огласи на социјалните мрежи и кажа дека по сите коментари кои ги прочитал, одлучил филмот кој треба да се снима за него, да се реализира без средствата доделени од Агенцијата за филм.
-„Деновиве читам секакви коментари и вести. И повторно гледам колку лесно судиме, а половично знаеме или воопшто не знаеме.
Сакам една работа да биде јасна… ниту барав, ниту мене ми се доделени пари.
Поддршка доби документарен филм и еден многу посветен тим кој веќе две години работи на приказна што преку мојот живот зборува за многу повеќе од мене.
И искрено сум благодарен на Комисијата од @filmagency.northmacedonia која ја препозна важноста на оваа тема. Но, не сакам проектот кој зборува за разбирање, прифаќање и поддршка да започне со поделби.
Затоа одлучивме филмот да се реализира без средствата доделени од Агенцијата за филм.
Продолжуваме понатаму… Заедно со сите наши поддржувачи, соработници и пријатели на кои сум им неизмерно благодарен.
И со најважната поддршка од вас луѓето кои ме сакаат, почитуваат и ценат .
Светот ќе го чуе гласот на најтивките, се гледаме на премиера”, напиша Слаткар.
По неговата објава, се огласи и неговата сопруга, Сања Николиќ, со поддршка за својот сопруг.
– „А приказната од зад камерите е поинаква… секогаш искрена, но понекогаш доста тешка. И тој… еден и свој”, напиша Сања, споделувајќи фотографија на своето стори на Инстаграм.
