Грозоморна сообраќајна несреќа со фатални последици се случи попладнево на федералниот автопат 35 во близина на Брухсал, Германија. Во челен судир на две возила, животот го загубија две лица, а едно со тешки повреди е пренесено во болница.
Полицискиот извештај вели дека до несреќата дошло откако автомобил скршнал во спротивната лента за време на силна бура и директно удрил во возило кое се движело во својата насока.
Според информациите на германските служби, 65-годишен возач ја изгубил контролата врз својот автомобил додека возел кон градскиот округ Хајделсхајм, објави 4news.mk. Во другиот автомобил се наоѓале 55-годишен возач и 54-годишен патник, кои починале на местото на настанот.
Поради сериозноста на повредите кај возачот кој го предизвикал судирот, на терен морал да интервенира спасувачки хеликоптер кој го транспортирал до најблиската болница. Автопатот остана блокиран неколку часа за да се овозможи расчистување на патот и полициски увид.
Како главен фактор за несреќата се посочуваат влошените услови на патот предизвикани од силното, но кратко невреме во регионот, кое довело до појава на аквапланинг.
„Аквапланингот е опасен феномен на возење во кој гумите губат контакт со површината на патот и буквално лебдат по слој вода. Се јавува кога водата се насобира помеѓу гумата и патот побрзо отколку што жлебовите во гумата можат да ја истуркаат надвор. Потоа автомобилот почнува да плови по водата и повеќе не може да се управува или сопира.“