По повод 28 Мај – Меѓународниот ден на менструалната правда, денеска ќе се одржи настан на кој организацијата „Новинари за човекови права“ ќе го презентира своето најново истражување за менструалната сиромаштија во Македонија, како и ќе го промовира менструалниот пакет за прва менструална помош.
Од организацијата посочуваат дека настанот има за цел да отвори јавна дискусија за предизвиците со кои се соочуваат девојките и жените во однос на пристапот до менструални производи, информираноста и достоинственото менструално здравје.
Преку истражувањето и промотивните активности, се настојува да се поттикне поголема свест и системски пристап кон решавање на проблемот со менструалната сиромаштија во земјата.