Четириесет и шестгодишен маж со иницијали Б.Г. со потекло од Косово е уапсен во Улцињ, Црна Гора, под сомнение дека брутално ја убил својата сопруга, а потоа го запалил објектот во кој престојувале.
Според црногорската полиција, грозоморниот настан се случил во текот на ноќта во улцињската населба Кодре, каде настрадала 36-годишната Д.Н., државјанка на Албанија.
Од Одделот за безбедност во Улцињ ги соопштија официјалните детали за брзата акција:
„Полицијата, за многу кратко време, идентификуваше и стави под контрола лице кое, како што е осомничено, извршило кривично дело тешко убиство на штета на неговата невенчана сопруга во текот на ноќта, а потоа запалило пожар на лице место, во куќата каде што живееле заедно, во населбата Кодре во Улцињ. Одделот за безбедност во Улцињ синоќа околу 00:30 часот беше пријавен дека избувнал пожар во станбена зграда, куќа во населбата Кодре. Полициските службеници веднаш излегоа на местото на настанот каде што беше пронајдено безживотното тело на непознато лице, подоцна идентификувано како Д.Н (36), државјанин на Албанија.“
Телото на убиената жена веднаш е испратено на обдукција за да се утврди точната причина за смртта.
Осомничениот сопруг при палењето на куќата се здобил со изгореници, по што е пренесен на лекување во Клиничкиот центар на Црна Гора во Подгорица, каде се наоѓа под строг полициски надзор.
За крвавата драма веднаш бил известен и дежурниот државен обвинител при Вишото државно обвинителство во Подгорица, кој раководи со истрагата.