Во Скопје денеска продолжува 13-тото издание на Самитот на „Македонија 2025“. Под мотото „По 2025: Забрзување на растот. Поттикнување лидерство“, вториот ден од агендата носи дебати за клучните економски и технолошки предизвици.
Меѓу главните теми на денешните панели се „Одлуки што ги обликуваат економиите“, „Победа со вештачка интелигенција: Од возбуда до вистинска конкурентска предност“ и „Дијаспората како стратешки капитал: Враќање дома“.
Дискусиите се фокусирани на економскиот раст, конкурентноста, инвестициите, инфраструктурата, дигиталната трансформација и улогата на дијаспората во севкупниот развој на државата.
Манифестацијата ќе заврши попладнево, а предвидено е завршно обраќање да има министерот за надворешни работи и надворешна трговија, Тимчо Муцунски. Потсетуваме, на вчерашното отворање на самитот се обрати премиерот Христијан Мицкоски.