Ние сме првата Влада која се посвети на инфраструктурата, инфраструктуррата ни е приоритет број еден и работиме многу интензивно, изјави заменик претседателот на Владата и министер за транспорт Александар Николоски во интервју за поткаст на поратлот Курир.
“ Веќе го реконструиравме граничниот премин Деве Баир, сега ќе работиме на проширување. Ја пуштиме во функција обиколницата на Крива Паланка, го пуштивме експресниот пат од Крива Паланка до Страцин, она што останува сега е Страцин-Романовце. Планираме веќе следната година да почнеме да го работиме со подршка на ЕУ во рамки на Планот за раст. Од Куманово преку обиколница Скопје до Тетово има автопат, од Тетово до Гостивар го градиме автопатот. Го почнавме ние како Влада да го градиме, без разлика што договорот беше потпишан претходно, од Гостивар до Букојчани преку популарната Стража исто така градиме автопат, ние го започнавме и овој автопат иако претходно беше потпишан договорот. Во моментов во процедура сме на избор на изведувач заедно со ЕБОР на потегот од Букојчани до Кичево, а веќе Кичево – Охрид е при крај. Тоа е оној заборавен проект од кој сите се имаа откажано и ние како Влада кога бевме избрани решивме да го завршиме. Веќе 37 км се завршени од кои 34 км се во функција, а очекуваме до крај на годината целиот да биде завршен. Она што останува е спојот на потегот од Струга до ГП Ќафасан. Тука имаме одредени предизвиици поврзани со УНЕСКО. Ќе разговараме со нив, не дали ќе има автопат туку по која траса ќе оди решението и очекувам во месец јуни да имаме договори. ГП Ќафасан веќе го реконструиравме и во втора фаза ќе работиме на проширување” – истакна вицепремиерот Николоски за проектите на Коридор 8.
Во однос на железницата тој истакна дека и во овој дел се работи на крупни проекти за поврзување со Бугарија.
“ Во делот на железницата од Скопје до Куманово постои железничко поврзување. Кога беше избрана оваа Влада се зафати со поврзувањето со Бугарија. Минатиот јануари ја ставивме во функција пругата од Куманово до Бељаковце, сега работиме на потегот од Бељаковце до Крива Паланка и она што сум особено горд е тоа што минатата недела излезе тендерот за надзор за третата најтешката делница од 24 км, а очекуваме следната недела/две да излезе и тендерот за изградба како би имале целосно железничко повзување со Бугарија. Тука заеднички ќе го градиме тунелот и Скопје и Софија да се спојат после многу децении.
Во делот на западната страна тој најави реконструкција на пругата од Скопје до Кичево.
“ Работиме обиколница на Скопје со цел карго возовите да не влегуваат во Скопје за да не загадуваат. Паралелно го градиме и проектот Градски воз, а работиме и на железничката линија од Скопје, преку Јегуновце Тетово Гостивар до Кичево. Таму работиме со ЕУ на подготвителни работи и следните две години да објавиме тендер за изградба на железница од Скопје до Кичево, тоа би била првата фаза, а втотата фаза ќе зависи дали Албанија ќе се нафати дали на исти начин ќе инвестира како и ние, имајќи превид дека целата пруга би чинела 2 милијарди евра, споредено со целокупните инвестиции во државата на годинашно ниво кое се 750 милиони евра. Се работи за мега проект, заедно со брзата пруга на Коридор 10, се работи за потенцијална инвестиција од 5 милијарди евра. Сега се работи на проект за околу 2 милијарди евра” – истакна вицепремиерот.