На 2 април 2026 година, околу 17:48 часот, во ОВР Берово е пријавено дека на регионалниот пат Берово – село Дабиље, на место викано „Ширината“ во атарот на Берово, се случила сообраќајна несреќа помеѓу две патнички возила.
Станува збор за возило „Форд“ со беровски регистарски ознаки, управувано од Ѓ.А. (37) од Берово, и возило „Шкода“ со беровски регистарски ознаки, управувано од А.Г. (40) од Берово.
Во несреќата тешки телесни повреди се здобил сопатникот во „Форд“-от, Џ.Д. (49) од Берово, додека возачот на „Шкода“-та, А.Г., се здобил со телесни повреди. Двете лица се префрлени и прегледани во Општа болница Кочани.
Извршен е увид од увидната екипа на ОВР Берово, при што е утврдено дека возачот Ѓ.А. го управувал возилото без возачка дозвола и под дејство на алкохол – му биле измерени 1,46 промили алкохол во крвта.
По наредба на јавен обвинител, Ѓ.А. е лишен од слобода, а возилото е одземено. По целосно документирање на случајот, ќе следува соодветна кривична пријава.