Македонскиот народен театар (МНТ) денеска го одбележува 81. роденден од првата претстава на македонски јазик, со што почнува континуираната работа на театарскиот ансамбл.
Првата реплика на македонски јазик „Сонцето, колку е блиску сонцето“ ја изговори актерката Вера Вучкова на 3 април 1945 година, на изведбата на претставата „Платон Кречет“ од советскиот драматург Александар Корнејчук, во режија на Димитар Ќостаров и во превод на Блаже Конески.
Лани МНТ го одбележа 80-годишниот јубилеј со сценско-музички проект во режија на Дејан Пројковски, „Сонцето, колку е блиску сонцето – Made in МNT“, кој претставува аудиовизуелно патување низ македонската драматургија, поезија, проза и ликовна уметност, како омаж за актерите, режисерите, драматурзите и професионалците зад кулисите.
Осумдесет и првиот роденден МНТ го одбележува со гостувања на театри од регионот, меѓу кои: „Амадеус“ во режија на Александар Поповски во изведба на Словенечко народно гледалишче од Марибор, монодрамата „Безгрешна (Immaculata)“ инспирирана од романот „Маријиниот завет“ и претставата на Црногорско народно позориште „Другата страна“ во режија на Борис Лијешевиќ.