Поради планирани технички интервенции во електросистемот, неколку реони во Скопје утре, 27 март (петок), ќе останат без електрична енергија. Регионалниот центар за управување со кризи најави прекини во општините Кисела Вода и Карпош.
Во општина Кисела Вода, во периодот од 08:00 до 13:00 часот, без струја ќе бидат корисниците на бул. „Борис Трајковски“ бр. 97, поточно фирмите „Милсон“ и „М-Гома“.
Во општина Карпош, прекин е најавен од 10:00 до 12:00 часот за корисниците на ул. „Скупи“. Без снабдување ќе останат деловните простории пред „Термо Систем“, објектот на „Термо Систем“, приватното училиште на истата улица, како и останатите корисници во овој дел.