Во Зоолошка градина Скопје се родија две преслатки близначиња лемури.
– Две близначиња лемури веќе го разубавуваат живеалиштето со својата разиграност и љубопитност.
Лемурите се примати кои потекнуваат од Мадагаскар и се познати по своите долги опашки, големи очи и силно развиено чувство за заедница. Живеат во групи, комуницираат со звуци и мириси, а мајките се исклучително грижливи, носејќи ги своите младенчиња постојано со себе. Кај лемурите владее матријархат, односно женките се главни во своите групи.
Овие нови животи се уште еден доказ за успешната грижа и посветеност на тимот во ЗОО Скопје, велат од ЗОО Скопје.