Кирил Дмитриев, специјален претставник на рускиот претседател за инвестиции, предвидува дека цената на нафтата нагло ќе порасне и ќе ја надмине границата од 150 долари. Според него, главната причина се сериозните прекини во снабдувањето предизвикани од конфликтот на Блискиот Исток.
Дмитриев, кој раководи со Рускиот фонд за директни инвестиции, истакна дека ситуацијата е критична бидејќи војната не влијае само на транспортот на енергенсите.
„Сега сме на пат цените да се зголемат до 150 долари и повеќе во следните две до три недели, бидејќи прекините во снабдувањето со нафта поради конфликтот на Блискиот Исток влијаат не само на логистиката, туку и на самото производство“, напиша тој на социјалната мрежа X.
Денешните податоци го потврдуваат овој тренд. Цената на нафтата „Брент“ веќе се искачи на 105,61 долари, што е скок од над 40 проценти од почетокот на војната во Иран. Американската сурова нафта исто така бележи раст и се тргува за 99,68 долари за барел.