Времето денес ќе биде претежно сончево со мала до умерена локална облачност. Ќе дува слаб до умерен северен ветер, а долж Повардарјето повремено ќе биде засилен, особено во претпладневните часови. Минималните температури ќе се движат од -4 до 5 степени, додека максималните ќе бидат меѓу 9 и 16 степени.
Во Скопје ќе биде сончево со мала до умерена облачност и слаб до умерен ветер од север. Температурата ќе се спушти до 0 степени наутро, а преку ден ќе достигне до 14 степени.
Според информациите од Управата за хидрометеоролошки работи, до крајот на неделава и на почетокот на следната, подрачјето ќе биде под влијание на висок воздушен притисок. Се очекува претежно сончево време со мала до умерена облачност, освен во сабота кога ќе има повеќе облаци. Од петок, во одделни котлини ќе има услови за појава на утринска магла.