Сообраќајот на државните патишта во земјава се одвива непречено, но под зимски услови. Од ЈП „Македонија пат“ информираат дека на Попова Шапка веќе се бележат врнежи од снег со среден интензитет. Засега нема забрани за движење, а екипите се на терен за да обезбедат чисти коловози.
Низ останатиот дел од државата патиштата се претежно влажни поради дождот, а на повисоките предели се препорачува максимална претпазливост.
„Нашите дежурни екипи се постојано на терен и ги одржуваат сите патни правци проодни. Апелираме до сите возачи да ја прилагодат брзината спрема условите на патот“, велат од претпријатието.