Денешното рочиште во Идризово за пожарот во дискотеката „Пулс“ го одбележа несекојдневна и крајно тензична сцена. Мајката Габриела Наунова, свртувајќи се директно кон обвинетите, јавно ги нарече „убијци на нивните деца“, изјава која беше проследена со громогласен аплауз од сите присутни родители во судницата.
Наунова изнесе сериозни тврдења за спрега меѓу локалните власти и сопствениците на дискотеката. Според нејзините зборови, објектот кој работел нелегално бил редовно посетуван од инспектори, полицајци и самиот градоначалник, што кај граѓаните создавало лажна слика за безбедност.
„Има докази дека градоначалникот бил чест гостин. Кога ги гледавме нив внатре, никогаш не помисливме дека објектот е нелегален“, изјави Наунова, обвинувајќи ги институциите за лицемерие и молк.