Министерството за внатрешни работи на Република Северна Македонија, во периодот од 15-ти до 21-ви декември 2025 година, како членка на Асоцијацијата на европски сообраќајни полиции – ROADPOL, заедно со уште 34 европски земји, учествува во спроведување на зајакнати акциски сообраќајни контроли по повод Европската недела на контроли.
Акциските активности се насочени кон откривање и санкционирање на возачи кои управуваат моторно возило под дејство на алкохол, дрога или други психотропни супстанции, со цел зголемување на безбедноста во сообраќајот и намалување на сообраќајните незгоди.
Имајќи предвид дека, се наоѓаме во период на верски и предновогодишни прослави, кога е зголемен ризикот од управување возило под дејство на алкохол и психотропни супстанции, сообраќајната полиција ќе презема засилени контроли и превентивно-репресивни мерки на патиштата низ целата држава.
Министерството апелира до сите учесници во сообраќајот да ги почитуваат сообраќајните правила и прописи и да придонесат кон зачувување на сопствената и безбедноста на другите учесници во сообраќајот.
Актуелно
- Маж ја загрозил сигурноста на својата жена
- Прерано згасна млад живот – УМС на ВМРО-ДПМНЕ се простува од Ратко
- Кошта по Самитот ЕУ-Западен Балкан: Европската Унија мора да ги исполни очекувањата што ги создава
- Вашингтон со можен удар врз руската нафтена флота
- ГП Евзони е нормализиран
- Татко натепал соученик на неговиот син – интервенирала полицијата
- Младата Јоана од Македонија се лекува во САД, потребна е финансиска помош
- НАТО се согласи за буџет од речиси три милијарди евра за 2026 година
